A rrezikon Shqipëria një valë të tretë nga Covid-19? Ja çfarë thonë ekspertët

Epidemiologu shqiptar, Ilir Alimehmeti ka deklaruar se procesi zgjedhor, fushata do të ndikojnë në shifrat e Covid-19 në javën e tretë apo të katërt të majit.

“Mund të ketë efekt procesi zgjedhor. Java e tretë apo e katërt e majit e tregon”, tha Alimehmeti.

Sa i përket rasteve të COVID-19 në zonat rurale, Alimehmeti tha se kanë tendencën të shuhen më shpejt, duke qenë se jetojnë dhe më pak njerëz.

“Ndaj kjo lloj valë ka tendencën të jetë më e sheshtë. Ka tendencën të zgjasë njësoj, por të jetë më e butë”, u shpreh ai.

Ndërkohë drejtori i Spitalit “Shefqet Ndroqi”, Perlat Kapisyzi deklaroi se rënia e rasteve ditët e fundit ka disa shkaktarë, një prej tyre dhe eksperienca apo përgjegjësia që ka marrë mjeku i familjes.