Drejtori i Agjencisë së Depozitave, 40 mijë USD për të marrë makinë me qira

Nga Boldnews.al

Genci Mamani, drejtor i Agjencisë së Sigurimit të Depozitave, ka thyer çdo rekord për të marrë një automjet me qira. Ai ka shpenzuar plot 40 mijë euro për vetëm 1 automjet. Dhe, këtë automjet do ta përdorë për vetëm 48 muaj. Pushteti dhe babëzia duket se janë ulur këmbëkryq në këtë agjenci, punonjësit e së cilës përpilojnë dokumente për depozitat e individëve apo edhe të firmave që kanë në bankat e nivelit të dytë. Pikërisht duke pasur këtë lirshmëri, kjo agjenci është pak e kontrolluar, teksa ka varësi të dyfishtë nga Ministria e Financave dhe Banka e Shqipërisë. Ashtu si BSH, edhe kjo agjenci ka dorë të lirë për shpenzime luksi.

Sipas dokumenteve që disponon Boldnews, Agjencia e Sigurimit të Depozitave ka hapur një tender me objekt marrje automjeti me qira opëracionale leasing për mevojat e Agjencisë së Sigurimit të Depozitave. Tenderi është bërë me procedurën e hapur të thjeshtuar, ndërsa ajo që bie në sy është pikërisht fondi limit i këtij tenderi. Plot 3.733.320 lekë pa TVSH është vlera e akorduar për këtë tender, ndërsa me TVSH rreth 40 mijë USD. Por, këto para’ nuk po përdoren për blerjen e këtij automjeti, por për ta marrë më qira. Dhe, vetëm për 48 muaj. “Vlera totale e mësipërme paraqet fondin limit për 48 muaj.

LEXO EDHE  Aksioni opozitar, Basha nis konsultimet edhe me aleatët. Ja kush i shkon i pari në zyrë

Oferta ekonomike e operstorit duhet të shprehet në lekë për këst mujor, të pandryshueshëm…” thuhet në dokumentet e këtij tënderi. Pra, ASD po merr me “kredi” këtë makinë, duke laguar muaj për muaj, por në fund makina nuk i ngel agjencisë por vetë distributorit. “Kohëzgjatja e kontratës ose afati për ekzekutimin është 48 muaj nga momenti i nënshkrimit të kontratës” thuhet në këto dokumente.

Në dokumentet shoqëruese thuhet se kjo agjenci po kërkon për një foristradë të mesme SUV, të vitit 2020 me 0 Km. Kërkohet e papërdorur, të jetë me një motorr 2000 kubikë, benzinë. Hibride… Gjithashtu, makina të ketë 4 cilindra, të shpenzojë 7 litra për 100 km, të jetë me kamio automatike.

Kërkohen edhe disa aksesorë shtesë, si timon hidraulik, frenas ABS, sistem ASR, xhamat me nuancë, kamera, me xhama të zinj. Dhe, makina të ndizet edhe pa çelës. Me këto aksesorë duket se makina do të përdoret nga drejtori i kësaj agjencie Genci Mamani. Ta gëzosh Genci!