Dy gola të Riyad Mahrez kanë vulosur kualifikimin e Manchester City në Champiosn League, përballë PSG.
Në gjysëmfinalen që po luhet në Etihad Stadium në Manchester, City ka realizuar dy herë në portën e PSG, e cila nuk ka asnjë shpresë për kualifikim, pasi është mundur edhe në takimin e parë të luajtur në Paris.
Goli i parë u realizua në minutën e 11 të takimit, ku Mahrez, tundi rrjetën, me topin që shkoi te këmbët e tij pasi goditje De Bruyne u përplas në këmbët e mbrojtësve të PSG.
Sulmuesi ishte afër portës, i pa shqetësuar dhe tundi rrjetën.
Mahrez ka realizuar edhe golin e dytë në minutën e 63 të takimit, ndërsa PSG luan me 10 lojtarë pasi Di Maria në minutën e 69 u ndëshkua me kartonin e kuq.
Minutë pas minute
Manchester City – PSG 2:0
Stadiumi “Etihad” në Manchester.
Gjyqtar: B. Kuipers.
Shënues: Mahrez (11′ e 63’).
Kartona të verdhë: Herrera.
Karton i kuq: Di Maria.
Manchester City: Ederson, Zinchenko, Dias, Stones, Walker, Fernandinho, Gundogan, Foden, Silva, Mahrez dhe De Bruyne.
PSG: Navas, Florenzi, Marquinhos, Kimpembe, Diallo, Paredes, Herrera (Draxlera 62’), Di Maria, Verratti, Neymar dhe Icardi (Kean 62’).
75′ Manchester City pothuajase është në finale.
69′ Di Maria përjashtohet me karton të kuq dhe si duket gjithçka ka përfunduar për PSG-në.
67’ Pak shpresa për PSG-në, i duhet fitorja me 2:3 për të shkuar më tej!
63′ Edhe një goditje e rëndë për PSG-në, Mahrez shënon golin e dytë në këtë sfidë dhe për epërsinë 2:0 për Manchester Cityn.
62’ PSG-së gjithnjë e më shumë po i ngushtohet mundësia për të bërë diçka më shumë ani se ka edhe 27 minuta lojë.
57′ As PSG e as Manchester City, deri me tash nuk kanë bërë zëvendësime.
54′ Di Maria me shokë kërkon golin e barazimit, por e kot deri me tash.
48′ PSG është në një situatë të palakmueshnme sepse ky rezultat e dërgon në shtëpi.
46′ Fillon pjesa e dytë.
Përfundon pjesa e parë mes Manchester Cityt dhe PSG-së, në të cilët vendasit janë në epërsi.
Pjesa e parë u karakterizua me lojë të mirë dhe PSG edhe pse është në disavantazh pati mundësitë e veta.
41′ City nuk është i qetë, e ndjen presionin e rivalit.
38′ PSG pati dy mundësi të arta po e pafat deri me tash.
34′ Deri me tash një gol (Mahrez i City) dhe një karton i verdhë (Herrera i PSG-së), e një tërthorëse Marquinhos i PSG-së.
30′ Vetëm një gol deri me tash, lojë e mirë e të dy skuadrave.
27′ Manchester City kërkon edhe një gol, që të jetë më komod në minutat vijues.
23′ PSG po orvatet me të gjtiha forcat.
19′ Drithërima në portën e Cityt, Angel Di Maria “flirton” me golin e barazimit, por fati nuk është me argjentinasin, përpjekja e tij shkon ngjitur me shtyllën.
18′ Manchester City është komod.
16′ Marquinhos gjuajti bukur me kokë, por shtylla ia mohoi golin, derisa më pas Angel Di Maria dështoi të shënojë në portën e boshatisur.
14′ PSG e pret një punë e madhe sepse vetëm fitorja me 3:1 e dërgon më tej.
11′ Riyad Mahrez kalon në epërsi Manchester Cityn dhe PSG në presion të madh.
9′ Manchester City ka fituar takimin e parë me 2:1 në Paris, kështu që edhe barazimi i konvenon.
7′ Nuk ka ende gola, lojë e mirë.
2′ Ndeshje që pritet me rivalitet mes këtyre skuadrave.
