Kryeministri Edi Rama, nëpërmjet një video të publikuar në rrjetin social, bën me dije se për herë të parë në Shqipëri, platforma digjitale e transportit rrugor ndërqytetas, përmes e-Transport do të menaxhojë dhe monitorojë fluksin e lëvizjeve.
Sipas Ramës, kjo platformë do të menaxhojë fluksin e udhëtarëve për gati 50 milionë bileta udhëtimi në vit.
“Ja e ardhmja e afërt digjitale e transportit rrugor ndërqytetës përmes e-Transport.
Për herë të parë në Shqipëri, kjo platformë inovative do të menaxhojë e monitorojë fluksin e udhëtarëve në linjat e transportit, për gati 50 milionë bileta udhëtimi në vit, duke sjellë një përmirësim rrënjësor të eksperiencës së udhëtimit në Shqipëri!
Modul biletimi elektronik online (përmes aplikacionit në celular dhe faqes online), në autobus e në stacione, si dhe në agjencitë e udhëtimit
APLIKACIONI FALAS për:
520 linja
242 operatorë
2,282 mjete”, shkruan Rama.
