Viktor Ballaj, 51-vjeçari, i cili pësoi djegie të rënda gjatë shpërthimit të një tubi nafte të kompanisë Anio Oil në Ballsh, është dërguar me urgjencë drejt Tiranës për shkak të gjendjes së rënduar shëndetësore.
51-vjeçari u transportua fillimisht në spitalin e Fierit, por pasi u pa se plagët e shkaktuara nga djegia i ishin tepër të thella kishin një shtrirje rreth 40% në trup, u vendos dërgimi drejt Djegie-Plastikës tek Qendra Spitalore Universitare “Nënë Tereza”.
Ngjarja ndodhi rreth orës 7;30 të mëngjesit të sotëm në vendin e quajtur “Qafa e Kashit”, ndërkohë që ende nuk dihen shkaqet e shpërthimit.
Shpërthimi i një nënstacioni pompimi nafte në Qafë Kash të Fierit të hënën në mëngjes, la të plagosur rëndë punëtorin 50-vjeçarë. Viktor Balla, i cili sapo kishte marrë turnin, pësoi djegie të rënda në trup dhe pasi u dërgua në spitalin e Fierit nga kolegët u nis me urgjencë në Tiranë.
Policia njoftoi se dyshohej që flakët kishin nisur në një tubacion nafte që lidhej me një nga depot e dekantimit të kompanisë Anio Oil. Por, sipas policisë, djegiet e Ballës ishin sipërfaqësore.
Drejtori i kompleksit të naftës në Qafë Kash, Zylfo Mehmetaj, i tha BIRN se nuk i dinte arsyet e shpërthimit.
Mehmetaj tha se ishte angazhuar me transportin e naftëtarit të plagosur në Tiranë. “Nuk di të them asgjë pse ndodhi”, tha ai.
Menjëherë pas shpërthimit ekipet e emergjencave të Anio Oil ndërhynë dhe shuan flakët si dhe mbyllën procesin e transportit të naftës nëpër depozita.
