Kreu i Grupit Parlamentar të Partisë Socialiste, Taulant Balla, ka reaguar rreth kërkesës së PS-së për shkarkimin e Presidentit Ilir Meta.
Balla u shpreh se mazhoranca është e vendosur të vijojë me procesin e shkarkimit të Presidentit të Republikës, pasi sipas tij ka shkelur në mënyrë të vazhdueshme.
“Prej ditës së premte është institucionalizuar kërkesa e rreth 50 deputetëve që kanë depozituar kërkesën për fillimin e shkarkimit të Presidentit.
Lidhur me vlerësimin se Presidenti para dhe gjatë fushatës ka kryer veprime në kundërshtim me Kushtetutën. Duke u nisur nga një rezolutë e mëparshme, që i kërkon të kthehet në binarët e kushtetutës për detyrën. Nuk ka ndodhur dhe pas kësaj rezolute ka vazhduar të kryej veprime në kundërshtim me ligjin. Kuvendi do të shprehet me këtë kërkesë. Kjo i plotëson të gjitha kushtet.
Do kaloj në Komisionin e ligjeve më pas që do të hetohet nëse ka kryer shkelje. Kuvendi ka tagrin për të ushtruar detyrën deri më 8 korrik. 60 ditë sipas Kushtetutës. Derisa komisioni i ligjeve ta shqyrtojë kërkesën”, tha Balla.
Ai u shpreh se në dokumentin e plotë që është paraqitur janë provat e domosdoshme që argumentojnë qëndrimin dhe janë prova të nevojshme për të iniciuar procedurën e iniciuar për shkarkimin e Presidentit Ilir Meta”.
“Janë dy procese, i pari Komisioni i Ligjeve ndërsa më pas Komisioni Hetimor i Parlamentit” tha Balla.
Ai u shpreh se të gjitha hapat do të jenë në përputhje me opinionet e Venecias.
