E ftuar në ‘Open’ Grida Duma konfirmon deklaratat e thëna nga kreu i PD-së në mbledhje me drejtuesit e degëve. Sipas Dumës, Basha ka bërë shumë mirë që ka mbledhur drejtuesit e degëve dhe se ajo që është thënë është e drejtë. Ndërkohë sipas saj vendimi për të hyrë ose jo në parlament nuk mund ta them në këtë moment.
‘Unë e kam parë të vërtetën. Ky është një moment i vështirë, moment reflektimi, na bën të gjithëve të mendojmë thellë dhe jo cekët. Moment që na thërret në ndërgjegje dhe në detyrim të gjithë. Unë kam parë grupet që kanë parë gjithë shqiptarët dhe Kavajë dhe Rrogozhinë. Kam bindjen absolute që shqiptarët janë me mua, që tre orë përpara mbylljes së kutive të votimit, atmosfera besimi dhe adrenalina në ajër tregonte se ne ishim fitues. Ndërkohë, provat konkrete janë pjesë e procesit të kopsitur ligjor. Në Rrogozhinë veprojnë tre banda. Ditën e zgjedhjeve, komisionerët tanë na thanë se ka ardhur kreu i Bashkisë së Rrogozhinës dhe ka shantazhuar komisionerët. Ai kërkonte votimin familjar. Janë kërcënuar komisionerët. Një person prezantohej si i KQZ-së, kishte marrë një bexh falso dhe kryente punën e atyre që e kishin future. Bëm kallëzim në SPAK dhe askush nuk reagoi. Ndërkohë dje kryetari I atjeshëm ka lajmëruar se dosja që ne denoncuam ka kaluar në prokurorinë e Kavajës se nuk është konsideruar krim electoral”, tha Duma.
Duma tha se PD do të kërkojë rinumërim të votës atje ku do të vërtetohet ligjërisht dhe institucionalisht se ka pasur probleme.
Më pas Duma tha se zgjedhjet janë manipuluar. Duma tha se provat janë gati dhe do kërkohet të çohet deri në fund e procesit ligjor. Më pas ajo tha se janë përdorur fondet e tërmetit për të kërcënuar votuesit. Rinumërim do të kërkohet. Duma tha se parlamenti është një nga trajektoret e problemeve.
