Lulzim Basha ka thirrur në një takim ditën e sotme sekretarët dhe kryetarët e degëve, pas pakënaqësive që kanë lindur në kampin blu me humbjen e zgjedhjeve në 25 prill.
Mësohet se fokusi i takimit të kreut të Partisë Demokratike me sekretarët dhe kryetarët e degëve do të jetë një analizë mbi zgjedhjet parlamentare të 25 prillit.
Rikujtojmë që PS mori 74 mandate në zgjedhjet e 25 prillit, PD mori 59 mandate, LSI 4 mandate dhe PSD 3.
Kjo humbje nxorri në dritë të pakënaqurit me lidershipin e Lulzim Bashës nga radhët e Partisë Demokratike.
I pari që doli hapur kundër Bashës ishte anëtari i Kryesisë së PD-së, Fatbardh Kadilli, i cili shpalli dhe kandidaturën për të marrë drejtimin e PD-së.
Më pas një goditje e rëndë ishte dhe dalja hapur e kryetarit të Këshillit Kombëtar të Partisë Demokratike, Bujar Nishani që kërkoi dorëheqjen e Bashës, duke e bere fajtor per humbjen e zgjedhjeve.
