Janë mbyllur 45 minutat e para të dy sfidave të vlefshme për javën e 31-të të Kategorisë Superiore.
Në ballsh, Tirana është shfaqur dominuese ndaj vendasve duke rrezikuar disa herë por pa arritur të gjejë rrugën e rrjetës. Rasti më i pastër i përket minutës së 23-të, aty ku Seferi gabon gjithçka duke mos pasuar për Torasën që ishte me portën e boshatisur.
Në barazim pa gola është mbyllur edhe pjesa e parë mes Kastriotit dhe Skënderbeut, takim që po luhet në Kamëz. Rasti më i mirë është ai i minutës së 27-të dhe I përket skuadrës së Kastriotit. Pas një krosimi të marrë nga e djathta, Çela gjuan bukur me kokë, por pret me një hedhje spektakolare Rexhepi. Provon edhe Prodani me një gjuajtje në hyrje të zonës, por topi shkon jashtë.
Gjithsesi në minutën e 44’ vendasit mbeten me 10-të lojtarë. Indrit Prodani merr kartonin e dytë të verdhë Brenda pak minutash duke lënë fushën e lojës.
