Opozita akuzon Kryeministrin Edi Rama se ka manipuluar zgjedhjet e 25 prillit, të cilat i dhanë kreut socialist mandatin e 3-të në qeverisje, duke i siguruar 74 mandate.
Por prej disa ditësh, zyrtarë të opozitës po paraqesin fakte dhe prova, që sipas tyre, zbulojnë manipulimin industrial.
Ish-Kryeministri Sali Berisha ka publikuar në rrjet një video, e cila sipas tij, tregon qartë se kush është forca e vërtetë e PS-së. Në video del se forca e vërtetë e PS në zgjedhjet e fundit është Tom Doshi me deputetët e tij, si edhe ish-deputeti Aqif Rakipi, i cili në 2018 humbi mandatin e ligjvënësit për shkak të dekriminalizimit, por më 25 prill arriti të nxjerrë deputet djalin dhe dhëndrin e tij.
‘Forca e PS,’ ironizon ai.
