I ftuar në emisionin ”Sport News Plus” të moderatores Dajlana Sejdia, trajneri Alban Tafaj analizoi gjendjen e Tiranës dhe u shpreh se gara për titull vazhdon deri sa matematika t’ia lejojë.
”Pika e rëndësishme e Tiranës ishte kur fitoi kundër Teutës, pasi nuk ishte fitore e rëndësishme sepse bindi dhe me lojë. Para asaj ndeshje rezultatet e dobëta po e dëmtonin Tiranën sepse diferenca me kreun thellohej, por më pas u rikthye.
Në ndeshjen e sotme ndaj Bylisit, Tirana humbi dy pikë sepse pati dhe raste, por matematika e lejon të shpresojë për titull. Do të ketë një sfidë direkte ndaj Partizanit dhe aty do të shikohen objektivat e vërtetë të Tiranës, a do të rrijë në garë për titull apo do të pretendojë për zonat e Europës.
Tirana e këtij sezoni nuk është Tirana që u shpall kampion, sidomos pas dy fazave të dyta. Përdori dhe pak egërsi në sulm, doli tek goli në të gjitha format dhe mënyrat në atë kohë. Është e vështirë të realizosh gol vetëm me një sulmues, duhet të shtyjnë pak përpara. Çelhaka, Batha duhet të shtyjnë përpara, edhe krahët duhet të jenë më efikas.
Rastet i pati, por dhe Bylisi pati raste ku mund ta ndëshkonte Tiranën. Ndeshja kaloi në një ritëm ku vetë Tirana nuk arriti ta ngrëntë dot ritmin më shumë. Skuadra do më shumë egërsi që të gjejë golin, luftonte më shumë Bylisi që është për mbijetesë se Tirana që ishte për titull. Lojtarët e Tiranës ishin shumë ‘’akademik’’. Nuk të ndihmon mungesa e egërsisë që të mbrojë titullin kampion, ekip pa grintë, duhet të ndërrojnë lojë sepse kanë derbin para.
Kukësi është bërë si Peqini dikur, as binte as synonte sipër, mesi i artë”, u shpreh Alban Tafaj.
