Brisida Shehaj, ish-Drejtoreshë e Përgjithshme e Tatimeve në mandatin e parë të Edi Ramës si Kryeministër, kandidoi më 25 prill në listën e kandidatëve të LSI për Qarkun e Tiranës.
Pavarësisht se në fillim të fushatës, Shehaj shfaqej optimiste se do të thyente herësin dhe do të merrte mandatin e deputetes, duke qenë se renditej e 36 në Tiranë, rezultati që ajo mori ishte shumë zhgënjyes.
Shehaj renditet ndër emrat që ka marrë më pak vota preferenciale, edhe pse e bazoi fushatën e saj në të gjithë qarkun.
Dhe duket se nga rezultati zhgënjyes, “bleta” e Tatimeve të Ramës, është hedhur në sulm duke akuzuar Partinë Demokratike për humbjen.
Përmes një story në Instagram, ajo thotë se Basha kishte skenarët e tij dhe jo të opozitës.
“Jam shumë dakort me ty. Unë kam gabuar e para sepse kam qenë pro atij vendimi, por harruam që Basha ka skenaret e veta jo të opozitës”.- shkruan ish drejtoresha e Tatimeve të Edi Ramës.
