Aktorja fituese e ‘Oscar’, Olympia Dukakis, ka vdekur në moshën 89-vjeçare në shtëpinë e saj në New York.
Vdekja është konfirmuar nga vëllai i saj, Apollo Dukasis, përmes një postimi të ndarë në Facebook.
“Motra ime e dashur, Olympia Dukasis, ka vdekur këtë mëngjes. Ajo ndërroi jetë pas disa muajsh pasi kishte probleme shëndetësore”– shkruan ai.
Olypmia u komentua mjaft shumë në moshën 56 vjeçare për rolin e saj në “Moonstruck”, një rol që i dha asaj ‘Glob të Artë’ dhe një ‘Oscar’.
Artistja filloi karrierën e aktrimit në skenë dhe bëri debutimin e saj në Broadway në “The Aspern Paper” në 1962. Performanca e parë televizive erdhi të njëjtin vit në episodet e “The Nursers” dhe “Dr. Kildare”, por aktrimi i saj mbeti kryesisht në vëmendje deri në fund të viteve 1980 dhe në fillim të viteve 1990.
Ajo gjithashtu ishte e njohur për filantropi dhe aktivizëm politik, ndërsa dha mësim për më shumë se 15 vite në New York. Ajo themeloi Whole Theatre Company në Montclair, New Jersey, së bashku me bashkëshortin e saj.
Ajo u martua me aktorin Louis Zorich në 1962 dhe dyshja ishin të martuar deri në vdekjen e tij në 2018.
