Sulmuesi i Kukësit, Patrick Friday Eze mund t’i ketë ndeshjet e fundit me verilindorët. Një ofertë prej 150 mijë eurosh ka mbërritur nga Katari për lojtarin nigerian. Me 13 golat e tij sezonalë, 28 vjeçari ka tërhequr vëmendjen e skuadrave të ndryshme.
Shtatëlarti ka kontratë edhe një sezon tjetër me Kukësin, ndërsa gjithçka mund të mbyllet pas pak javësh, me skuadrën nga Katari që dëshiron Eze në gjirin e vet.
Sipas shtypit të shkruar drejtuesit e Kukësit po mendojnë shitjen e lojtarit, që këtë sezon ka bërë mjaft mirë në Superligë. Nëse Kukësi duhet ta harrojë sa më parë këtë sezon, një gjë e tillë s’mund të thuhet për Eze, që sheh 13 gola dhe kreun e golashënuesve pas 30 javësh Superligë.
