Reth 40 familje që banojnë pranë rrugës Shkumbini në lagjen 14 në ish kënetë, të qytetit të Durrësit janë shqetësuar shumë dhe kanë dalë në protestë pasi rruga nuk po restaurohet me parametra normalë, sikurse pretendojnë ata.
Kanali kullues po mbyllet nga rëra dhe kjo do tu kthejë përmbytjet në sezonet e shirave, thonë ata ndërkohë qe kanalizimet e ujërave të zeza që po bëhen të reja janë të vendodura mbi nivelin e banjove në banesa. Kjo sipas tyre nuk lejon qarkullimin e ujrave të zeza në destinacion dhe do tu mbeten në oborre.
Ndërkohë firma qe ka filluar kete rikonstrukson, nuk sposton 7 shtylla elektrike dhe për të mbuluar këtë difekt të projektit ata kërkojnë të spostojnë muret e banesave dhe oborreve te cilat janë të legalizuara.
Nga problemet qe po shkakton kjo situate rrezikojnë të përmbyten rreth 3 deri në 4 mijë banorë të kësaj skoline. Ata janë shprehur se kryebashkiakja u ka dhënë të drejtë në pretendimet e tyre, por firma nuk pranon të rishikojë projektin pasi varianti që po ndjek duke demtuar pronat e shtetasve vetem për 7 shtylla betoni të linjës elektrike, u siguron më shumë fitime.
Ata janë shprehur se nuk do ta lejojnë firmën të bëjë këtë nderhyrje në rrugë.
