Trafik i rënduar këtë të Shtunë në autostradën Tiranë-Durrës.
Trafiku paraqitet i ngarkuar në këto orë në daljen nga kryeqyteti për në autostradën Tiranë–Durrës dhe përgjatë saj.
Në sensin e drejtimit për në Durrës është krijuar një varg i gjatë automjetesh.
Situata, kryesisht në daljen nga Tirana për në autostradë është një problem që vijon tanimë prej disa kohësh, i rënduar edhe më shumë nga bllokimi i një pjese të aksit te “Sheshi Shqiponja” ku po kryhen pune.
Dhe duket se situata do të vijojë, pasi disa ditë më parë, kryebashkiaku i Tiranës konfirmoi se punimet në aksin që lidh sheshin “Shqiponja” me mbikalimin pranë “pallatit me shigjeta” nuk pritet pritet të përfundojnë shpejt, por në vjeshtën e këtij viti.
