Ish-deputeti demokrat, Gent Strazimiri, përmes një postimi në rrjet shprehet se 13 nga deputetët e Qeverisë, dalë nga zgjedhjet e 25 prillit, janë subjekt i ligjit të dekriminalizimit ose të shpallur publikisht “non grata” nga SHBA.
Strazimiri nuk përmend emrat e deputetëve, por shtron pyetjen nëse zgjedhjet e 25 prillit duhet të njihen ose jo.
“Këtu çështja është a do pranojmë që: kjo shoqëri është aq perverse saqë në liri të plotë, e pandikuar nga asnjë shantazh apo miklim, ka zgjedhur me vullnetin e saj për inat të SHBA dhe BE pikërisht ata që duhej të qëndronin sa më larg jetës publike e politike?
Këta 13 deputetë janë diferenca mes qeverisjes dhe opozitës!
Këta deputetë janë “fitorja” e “fituesit” !”, shkruan Strazimiri.
Postimi nga Gent STRAZIMIRI
13 nga deputetët e qeverisë, dalë nga zgjedhjet e 25 prillit, janë produkt direkt, publik, haptazi, i individëve:
* të shpallur publikisht “non grata” nga SHBA,
Ose
* të përjashtuar nga ligji i dekriminalizimit,
Ose
* personalisht të përfshirë në dosjet kriminale “339” e “Shullazi”, etj.
Këtu çështja nuk është më
* “a do pranohet rezultati i zgjedhjeve të 25 prillit”!
Këtu çështja është a do pranojmë që:
* kjo shoqëri është aq perverse saqë në liri të plotë, e pandikuar nga asnjë shantazh apo miklim, ka zgjedhur me vullnetin e saj për inat të SHBA dhe BE pikërisht ata që duhej të qëndronin sa më larg jetës publike e politike?
Këta 13 deputetë janë diferenca mes qeverisjes dhe opozitës!
Këta deputetë janë “fitorja” e “fituesit” !
KAQ!
#dekriminalizim
#asnjë_hap_pas
