Nga zgjedhjet e 25 prillit kanë reyultuar të pavlefshme 83024 fletë votimi, që përbën edhe shifrën më të lartë të regjistruar në proceset zgjedhore në vend.
Referuar të dhënave zyrtare, fletët e votimit në pjesën më të madhe të tyre kanë të vendosura dy kryqe, lidhur me subjektet politike, ose është gabuar me votat preferenciale, ku një kryq është vendosur te numri rendor i kandidatit, ndërsa kryqi tjetër është vendosur në një subjekt tjetër zgjedhor, pra jo në atë që mbështeste kandidatin.
Presidenti Ilir Meta ka kërkuar një hetim lidhur me fletët e pavlefshme, ndërsa nga kandidatët dhe subjektet zgjedhore janë ngritur pretendime se fletët mund të jenë nxjerrë të pavlefshme gjatë procesit të numërimit nga numëruesit, që kanë shtuar shenjat mbi fletë votimin.
Vendin e parë për pavlefshmërinë e fletëve të votimit e mban Tirana me 18422, pasi ka edhe numrin më lartë popullsisë krahasuar me qarqet e tjera.
Ndërsa numrin më të ulët e kanë Kukësi dhe Gjirokastra.
Shkodër
Vota të pavlefshme 6114
Kukës
Vota të pavlefshme 2188
Lezhë
Vota të pavlefshme 4730
Dibër
Vota të pavlefshme 4686
Durrës
Vota të pavlefshme 7808
Tiranë
Vota të pavlefshme 18422
Elbasan
Vota të pavlefshme 9771
Fier
Vota të pavlefshme 9375
Berat
Vota të pavlefshme 5292
Korçë
Vota të pavlefshme 7375
Vlorë
Vota të pavlefshme 4730
Gjirokastër
Vota të pavlefshme 2317
