DJ i njohur Vin Veli ishte i ftuar sot në “Wake Up”, ku foli për jetën e tij private. Prej dy vitesh Vin Veli është një lidhje me një juriste dhe duket se marrëdhënia e tyre po shkon më së miri.
“Po shkojmë shumë mirë. Natyrshëm lindin shoqëri të mira, të këndshme, të bukura. Kalojmë mirë dhe ndihemi mirë. Prej kohësh e kemi kaluar nivelin e miqësisë (qesh). I kam marrëdhëniet mirë me lidhjen time, për sa kohë më kupton, jemi bashkë dhe do të thotë që kuptohemi për çdo situatë, çdo problem.
Dhe me lidhjen që kam pasur (Bora Zemanin) i kam marrëdhëniet mirë”, tha ai.
“E sheh përputhen?”- e pyet moderatori Isli Islami.
“E kam ndjekur Për’puthen, nuk është se nuk e kam ndjekur. Por nuk kam kohë ta ndjek në atë orë, por më shumë në rrjetet sociale”, u shpreh Vin Veli.
