Kryeministri Edi Rama deklaroi mbrëmjen e sotme në Opinion se parashikimi i tij për 74 mandate bazohej pikërisht te të dhënat e brendshme.
Rama tha se partitë e organizuara kanë të dhëna të sakta mbi atë që pritet dhe parashikimi i tij para zgjedhjeve nuk kishte të bënte me kontrollin.
Kryeministri u pyet lidhur me zgjedhjet, ndërsa tha se “kur në burgje nuk është përdorur fuqia e pushtetit, merreni me mend se sa mund të jetë përdorur në territor. Kur LSI drejtonte burgjet, votimet ishin me zero. A mund të quhen demokratike zgjedhjet me zero?”.
Akuzat për manipulimin e zgjedhjeve, Rama i konsideroi si përçatje nga humbësit. “Po flasin përçart ato që humbën zgjedhjet. Shikoni sondazhet ne dilnim parti e parë”, tha Rama.
Kryeministri tha se më 25 prill, PS ka humbur 3 mandate nga votat e pavlefshme. “Ka pasur një rritje të panatyrshme të votave të pavlefshme. Shumica dërrmuese të këtyre votave është votuar 9 dhe 12. Ne kemi 3 mandate te votat e pavlefshme, nuk bëhet fjalë as për vjedhje as për manipulime. Është një votë e qartë midis nesh dhe atyre, dhe si rezultat i një organizimi që ka PS, e cila është një makineri fitoreje”, tha Rama.
Kryeministri i cilvsoi si muhabete edhe shkrimet në mediat gjermane. “Janë muhabete, përralla. Opozita ka fituar në burgje. Ke kandidatë të opozitës që punojnë në shtet dhe as i ka lëvizur askush”, tha Rama.
