Një aksident tragjik u rregjistrua mbrëmjen e sotme në Tiranë, ku një këmbësor ndërroi jetë në vend, pasi u përplas për vdekje nga një automjet, që drejtohej nga një 22 vjeçar.
Aksidenti ndodhi rreth orës 21:10, në rrugën “Berisha” në Kamzë.
Policia tha se mjeti me drejtues shtetasin E. K., 22 vjeç, ka aksidentuar këmbësorin shtetasin H. A., reth 60 vjeç, i cili si pasojë e goditjeve të marra ka ndërruar jetë në vendngjarje.
Drejtuesi i mjetit shtetasi E. K., është shoqëruar në Komisariat për veprime të metejshme hetimore.
Grupi hetimor vijon punën për zbardhjen e rrethanave të ngjarjes.
