Ndeshja midis Ballkanit dhe Llapit u luajt midis tensionit dhe konflikteve, teksa dy lojtarë u ndëshkuan me kartonë të kuqë nga gjyqtari në këtë ndeshje.
Pas ndeshjes, tifozët e Ballkanit, “xhebrailat” janë kapur me trajnerin e Llapit, Tahir Batatinën, pasi faqja zyrtare e Llapit dyshohet se kishte përdorur thirrje nacionaliste ndaj tifogrupit ballkanas.
“Nuk e dimë a jemi në Suharekë apo në Serbi! Kjo është turpi i vitit 2021m turpi i futbollit”, janë fjalët që ndezën gjakrat midis tifozëve ballkanas dhe ekipit kundërshtar.
Në video shihen tifozët e revoltuar të cilët ofendojnë trajnerin Batatina, teksa shihet dhe prania e trajnerit të Ballkanit, Bledi Shkëmbi i cili përpiqet të ulë gjakrat. Tifozët shihen mjaft të revoltuar, aq sa as prania e Shkëmbit nuk i qetëson. Ngjarja u pa me interes dhe bëri bujë të madhe në mediat shqiptare.
