Kapet dhe ndalohet një 33-vjeçar i dënuar me 7 vite burg, për veprën penale “Shfrytëzimi i prostitucionit”, kryer në bashkëpunim.
Elton Drapi, 33 vjeç, banues në Tiranë, njoftoi këtë të Mërkurë policia e kryeqytetit.
Kapja dhe ndalimi i tij u bë pasi Gjykata e Apelit Tiranë e ka dënuar me 7 vite burg, për veprën penale “Shfrytëzimi i prostitucionit”, kryer në bashkëpunim.
Drapi bashkë me persona të tjerë, akuzohen për një ngjarje të nisur në vitin 2013. Sipas hetimeve të prokurorisë, ata kanë shfrytëzuar për prostitucion një vajzë të pastrehë, asokohe e mitur.
