Legjenda e rockut, Ronnie Wood mundi kancerin për herë të dytë.
Në një intervistë për gazetën britanike “The Sun”, kitaristi 73-vjeçar i Rolling Stones, zbuloi se gjatë mbylljes nga Covid, ishte diagnostikuar me karcinomë me qeliza të vogla, një kancer që prek zakonisht mushkëritë
“Unë i kam pasur në dy mënyra të ndryshme. Kisha kancer të mushkërive më 2017 dhe kisha një qelizë të vogël kohët e fundit që luftova në bllokimin e fundit”, tregoi ai.
Sipas shoqatës Amerikane të Kancerit, kanceri me qeliza të vogla është një kancer malinj që zakonisht gjendet në mushkëri, por mund të prekë zona të tilla si prostate, pankreasi, fshikëza ose nyjet limfatike.
