Partizani barazoi në transfertë ndaj Laçit, me rezultatin 2-02, teksa pas ndeshjes për “Supersport” është shprehur se ishte një ndeshje ku të kuqtë dominuan dhe meritonin fitoren.
“Plotësuam pazëllin e gjërave të bukura që po bëjmë. Edhe sot treguam një paraqitje shumë të mirë, duke dominuar. Treguam se jemi më mirë se rivalët. Duhet të vazhdojmë me këtë mënyrë dhe të bëjmë punën tonë. Sot kishim shumë raste para portës dhe kjo është gjë e mirë. Luftuan të gjithë. Ishin të motivuar. Sot më shumë lamë 2 pikë se fituam 1.
Duhet të përqendrohemi te ndeshjet tona, më pas të shikojmë të tjerët. Më duket se nuk kemi parë të njëjtën ndeshje. Edhe unë kështu mendoj, mund ta fitonin ose jo. (me ironi)
Me Hoxhën, është dëmtuar në stërvitje. Ka qenë me ekipin si kapiten, pasi nuk e kishte të mundur të ishte në fushë. Nuk është futur në portë prej kohësh.
Bozhiqi? Për këtë mos më pyesni mua, për këtë mund të pyetet klubi.
Laçi? Edhe sot bëmë gjithçka për ta mundur, kaq ishin mundësitë tona. Krijuam lojë dhe raste. Ka gol të anuluar, të cilin mund të analizojnë të tjerët. Kishim edhe raste me portë bosh, por nuk fituam. Kishim ardhur për 3 pikët, bëmë gjithçka për ta marrë ata, por loja përfundoi 2-2”, tha Daja.
