Gjatë 24 orëve të fundit në Kosovë janë raportuar 327 raste të reja me COVID-19, ndërsa pesë persona e kanë humbur betejën me virusin.
Në krahasim me ditët e fundit, sot vërehet një rritje në numrin e rasteve të reja, të cilat kanë rezultuar nga 3.104 testime të kryera gjithsej në 24 orët e fundit.
Gjatë 24 orëve të fundit, janë shëruar 508 pacientë, ndërsa numri i përgjithshëm i të shëruarve deri më sot është gjithsej 93.079, ndërsa numri i rasteve aktive është 9.485.
Numri total i rasteve pozitive në Kosovë është 104.717, ndërsa 2.153 kanë humbur jetën nga virusi që prej fillimit të pandemisë.
