Kryeministri Edi Rama tha se shumica dërrmuese e shqiptarëve i dha të drejtën për të qeverisur edhe një mandat tjetër dhe për të arritur në majë me bekimin e popullit.
“25 prilli, ishte e diela e fitores tonë të përbashkët”, tha Rama në fjalën e tij, në mitingun e fitores së organizuar në sheshin Skënderbej.
Ndërsa shprehu falenderime për ata që e votuan, Rama tha se “ashtu sikundër ju iu përgjigjët thirrjes sime për të shkuar te kutitë e votimit, ashtu edhe unë do t´ju vijë juve ditë e natë, kur ju mund të më kërkoni për problemet tuaja”.
Rama tha se është detyra jonë që me fjalën dhe me sjelljen tonë të mos i bëjnë të ndjehen më të mërzitur se sa ajo që shkakton humbja.
“Lulzim Basha dhe demokratët bënë fushatën më të mirë në fushatat e humbjeve. U them sinqerisht se më shumë se kaq nuk bëni dot, nuk e mundni dot Partinë Socialiste, se të mmundësh socialistët është njëlloj si të mendosh të mundësh Milanin e Sakit, Interin e Mourinhos apo Barcelonën e Guardialës.
Mesazhi im për Lulzim Bashën është ky: pranoje humbjen. Miq demokratë ne jemi më të mirët, ju jeni më të mirët pas nesh. Nuk na takon ne të themi se çfarë do të bëni ju me udhëheqjen Tuaj, por ne e kemi shumë të qartë, se përballjen e kemi me PD. Ju shtrijmë dorën e një bashkëpunimi të sinqertë, pa asnjë paragjykim dhe kufizim Partisë Demokratike. Unë dua të jem Kryeministër edhe i socialistëve dhe i demokratëve, edhe i atyre që nuk votuan fare”, tha Rama.
Mesazhi i Ramës
“Lulzim Basha dhe PD bënë fushatën më të mirë në historinë e humbjeve të tyre. Ata ishin më skuadër se të gjitha herët e tjera dhe përtej ndonjë mospajtimi tradicional, demokratët ishin kundërshtarë jo dhe aq të lehtë këtë herë. U them atyre sinqerisht se më shumë se kaq nuk bënin dot, madje bënë më shumë se mund të bënin normalisht.
Ky nuk ishte viti i juventinëve por viti ekskluziv i socialistëve. Mesazhi im i sinqertë për Bashën është ky: Pranoje humbjen me dinjitet dhe me bindjen se nuk bërë dot atë që deshe por bëre sa munde. Miq, demokratë, ne jemi më të mirët, ju jeni më të mirët pas nesh. Ky është fakt dhe faktet pranohen, nuk luftohen.
Nuk më takon mua të vendos se si do e mbani ju qëndrimin. Nëse do të jetë apo jo Basha ai që do ju drejtojë kjo është puna jua. Me apo me Lulzim Bashën ne e kemi të qartë që e vetmja opozitë është PD. Fitorja e madhe nuk e ndalon shtrirjen e dorës për PD. Unë dua të jem kryeministri i të gjithë shqiptarëve. Jo vetëm i socialistëve por edhe i demokratëve. Unë dua që Shqipëria të ngjitet në majën ku zoti e deshi”.
