Dy futbollistët e Partizanit, Cordeiro Melo dhe LuCas Cardozo, u aktivizuan në fundjavë për ekipin B të “demave”. Situata me Melon është e qartë, pasi e ardhmja e tij është larg të kuqve.
Për ndeshjet e mbetura, klubi ka vendosur që ta aktivizojë me skuadrën e dytë. Por, situata me Kardozon është pak a shumë një mister. Sulmuesi ishte titullar gjatë dy fazave të para, madje luajti shumë minuta edhe pas ardhjes së Stenio Zhuniorit e Ferhan Hasanit.
Edhe pse ka kontratë me “demat”, duket se edhe Lukas Kardozo do të largohet nga Partizani në fund të sezonit, pasi nuk bën pjesë në planet e Dajës. Në janar, Kardozo kishte një ofertë nga Qiproja, por në fund nuk u konkretizua.
