Vetëm 5 pikë e ndajnë nga titulli i 19-të në Serie A. Interi me një fitore dhe dy barazime në 5 ndeshjet e fundit të kampionatit do të ketë sigurinë matematikore të “trengjyrëshit”.
Në një lartësi prej 79 pikësh aktualisht, në fakt, zikaltrit mund t’i arrijë vetëm Milani teorikisht, ndaj të cilit kanë avantazhin e ndeshjeve direkte (humbje 1-2 në ndeshjen e parë dhe fitoren 3-0 në ndeshjen e dytë).
Suksesi i djeshëm i Atalantës e zhbën mundësinë e festimit të titullit të shtunën e 1 majit, kur skuadra e trajnerit Conte do të luajë ndaj Crotone. Sidoqoftë, titulli mund të mbërrijë të nesërmen, domethënë të dielën e 2 majit.
Kjo hipotezë bëhet realitet nëse pas suksesit të Interit në Crotone, Atalanta nuk fiton në Reggio Emilia me Sassuolo dhe, në të njëjtën kohë, Milani nuk do të fitojë njërën nga dy ndeshjet e ardhshme, sot kundër Lazio dhe të shtunën e 1 majit në shtëpi, kundër Benevento.
