Kreu i Partisë Demokratike, Lulzim Basha, është parë në Elbasan për të ndjekur procesin e votimit që po zhvillohet në këtë qytet.
Elbasani është një nga zonat më të nxehta dhe madje konsiderohet edhe si një ndër qarqet vendimtare për 25 prillin.
Basha i shoqëruar dhe nga kandidatët për deputetë në Elbasan, Gazment Bardhi dhe Flutura Açka është ulur në një lokal te kalaja për të konsumuar një kafe së bashku.
Më herët Basha përshkoi me këmbë qendrën e Elbasanit dhe përcolli këtë mesazh për gazetarët.
“Për një të ardhme të ndritur për Elbasanin. Dimrit po i vjen fundit, vera po vjen. Çdo qytetar në kutitë e votimit”, tha Basha.
