Roma është mposhtur në transfertë nga Cagliari, në ndeshjen e vlefshme për javën e 33-të në Serinë A.
Skuadra nga Sardenja e nisi shumë mirë ndeshjen, teksa gjeti golin që në minutën e 4-t me Likojanis. Perez barazoi shifrat për Romën, që tentoi përmbysjen, por nuk ia doli dot.
Marin riktheu festën te Kaljari duke shënuar të dytin në minutën e 57-të, ndërsa 7 minuta më vonë Zhoao Pedro shënoi të tretin. Fazio ngushtoi shifrat për Romën në minutën 69-të, por vetëm kaq, nuk ia dolën të bëjnë më shumë.
Më këtë fitore, Kaljari i largohet përkohësisht fundit të tabelës, teksa shkon në kuotën e 31 pikëve, në vendin e 17-të, ndërsa Roma mbetet në vendin e 7-të me 55 pikë.
