Sekretari i Përgjithshëm i PD, Gazment Bardhi deklaroi nga Elbasani se sot qytetarët votuan ndryshimin. Ai falenderoi të gjithë votuesit e qarkut të Elbasanit që i besuan opozitës.
I pyetur për deklarata e bëra nga Balla se PS synon 9 mandate në Elbasan, Bardhi tha se nuk komenton humbësit.
Pjesë nga deklarata:
Bardhi: Të jeni të sigur që sot çdo qytetar i Elbasanit ka ndezur një ditë të re shprese.
Gazetarja: Po deklarata e Ballës që projektonte mandatin e 9-të?
Bardhi: Nuk komentoj deklarata e humbësve. Falenderoj çdo qytetar brenda qarkut të Elbasanit faleminderit që besuat në projektin tonë, dhe që u bëtë pjesë e ndryshimit.
Gazetarja: a do ta njohni rezultatin?
Bardhi: Unë sapo bëra thirrje për të nisur sa më parë procesin e numërimit. Ftoj PS-në të caktojë numëruesit.
