Kreu i Komisionit Qendror të Zgjedhjeve, Ilirjan Celibashi edhe pse ka mbi 4 orë që ka përfunduar procesi i votimit, nuk ka dhënë asnjë shifër zyrtare të pjesmarrjes së shqiptarëve në votime.
Celibashi tha se identifikimi elektronik i zgjedhësve nuk mund të raportonte të dhënat reale të votuesve pasi të gjithë aktorët politikë ranë dakord që pajisja të funskiononte vetëm për identifikim dhe jo për raportim.
Celibashi e justifikoi dështimin e mospasjes së një shifre konkrete të pjesmarrjes së numrit të votuesve në zgjedhje me argumentin se do të bëhet zyrtar vetëm pasi të jenë dorëzuar të gjitha materialet zgjedhore.
