Procesi zgjedhor ditën e sotme duhet të ishte një nga më të suksesshmit, por që fatkeqësisht deri në këto momente po rezulton një dështim.
Komisioni Qendror i Zgjedhjeve i kryesuar nga Ilirjan Celibashi i dha jo pak, por plot 20 milionë dollarë pa garë kompanisë Smartmatic, në mënyrë që pikërisht sot shqiptarët të informoheshin në kohë reale se sa përiqnd e votuesve kishin marrë pjesë në zgjedhje.
Por që fatkeqësisht i gjithë sistemi elektronik dështoi, pasi të dhënat ishin zhgënjyese, krahasuar ehd eme kohën kur çdo gjë bëhej manualisht.
Kujtojmë që në vitin 2017-të edhe pse në çdo cep të vendit identifikimi bëhej manualisht, në çdo 60 minuta KQZ raportonte ekzaktësisht se sa ishte pjesëmarrja në 4500 qendra votimi, ndërsa sot kemi të dhëna vetëm për 1500 qendra votimi, edhe ato të cunguara.
Vetë kreu i KQZ, Ilirjan Celibashi, i cili me ‘dorën’ e vet dha 20 milionë dollarë për sistemin e identifikimit elektronik, doli paturpësisht para shqiptarëve për të mbrojtur të pambrojtshmen, dështimin e madh që ndodhi, duke thënë se po sulmohet serveri i KQZ.
Por si mund të sulmohet një server për të cilin janë paguar 20 milionë dollarë dhe për më tepër kur ishte vetë kreu i KQZ i cili e cilësoi si histori suksesi firmosjen e kontratës me kompaninë Smartmatic, e cila mori bekimin e të gjithë ambasadorëve të huaj në Tiranë, si dhe u mbështet fort edhe nga të gjithë aktorët politikë në vend.
Shqiptarët sot kanë të drejtë të pyesin, Ilirjanin e zi të KQZ-së se ku shkuan 20 milionë dollarë nga taksat e tyre? Pasi nuk mund të blesh kaq shtrenjtë një shërbim (Identifikimi elektronik i zgjedhësve) i cili jo vetëm që nuk ishte më i mirë se ai i zgjedhjeve të shkuara, por vetëm dezinformon.
Shqiptarët kanë të drejtë të pyesin sërish Ilirjanin e zi, se me kë i ndau miliona dollarët që i dha pa asnjë garë kompanisë, e cila sot duhet të informonte në kohë reale shqiptarët për zgjedhjet?
Gjithashtu shqiptarët me të drejtë mund edhe të drejtojnë gishtin se Ilirjani i zi po përdoret politikisht nga partia në pushtet, e cila e trembur nga pjesmarrja e madhe e shqiptarëve, por kërkon të fhshehë të dhënat reale të votuesve, në mënyrë që të fitojë kohë për të përgatitur rrengun e radhës.
Por fatmirësisht sot procesin zgjedhor po e shpëtojnë vetë shqiptarët të cilët masivisht, edhe pse po bllokohen të votojnë herë pas here nga sistemi elektronik, po derdhen në qendrat e votimit për të shprehur vullnetin e tyre. /Boldnews.al
Lexo edhe:
