PSG do të luajë mbrëmjen e së mërkurës ndaj Manchester Cityt ndeshjen e parë gjysmëfinale të UEFA Champions League. Në kuadër të kësaj ndeshjeje, ekipi francez është në ankth për gjendjen e Kylian Mbappe.
Ylli kryesor i ekipit pësoi një dëmtim në gjurin e djathtë në ndeshjen ndaj Metz dhe qëndroi për disa minuta i shtrirë. Më pas, Mbappe vijoi të luante edhe për 4 minuta dhe u zëvendësua. Në momentin e zëvendësimit, sulmuesi shfaqi përsëri shqetësime në gju dhe ndeshja e të mërkurës është në rrezik.
Ditën e nesërme pritet të bëhen ekzaminime të tjera, ku do të bëhet edhe më e qartë nëse Mbappe do të jetë gati apo jo për gjysmëfinalen ndaj Manchester Cityt.
