Dhomat nëntokësore të hotelit ishin shndërruar në një serë të vërtetë marijuane.
Ky është zbulimi i policisë që, duke filluar nga arrestimi, si pjesë e një operacioni tjetër, të pronarit të një hoteli në Tiburtina, ka gjetur brenda tij një fabrikë të vërtetë të kanabisit.
Një shtetas shqiptar, 30-vjeç, u vu në pranga brenda dhomave teknike të hotelit, i shndërruar në një serë për kultivimin dhe prodhimin industrial të marihuanës.
Policia arriti të sekuestronte rreth 2 mijë bimë, gati për tharje, ose rreth 87 kg të lëndës narkotike.
Konkretisht, policët pas një hetimi të hollësishëm, që rezultoi nga një operacion i mëparshëm policor i kryer në zonën e San Basilio, pranë një hoteli të vendosur në Tiburtina, ngritën dyshime lidhur me praninë e disa ventilimeve nga depot e vendosur poshtë hotelit.
Nga një kontroll në ambientet, përmes një hyrje dytësore që nuk identifikohej lehtë, policët arritën të gjenin një serë autentike për kultivimin intensiv të bimëve të marihuanës, të pajisur me një sistem ventilimi, dhoma tharjeje dhe vende për depozitimin dhe ruajtjen e lëndës narkotike.
