Presidenti i Republikës, Ilir Meta ka dhënë një tjetër mesazh pak orë para ditës së zgjedhjeve drejtuar policisë dhe institucioneve të drejtësisë.
Në mesazhin e tij Meta shkruan se kriminelë ka kudo, por më të rrezikshmit janë ata me uniformë.
Ai ju ka bërë sërish thirrje institucioneve që të zbatojnë ligjin të qëndronjnë larg ndikimeve politike.
Postimi i Metës:
Kriminelët janë kudo të rrezikshëm.
Por më të rrezikshmit janë kriminelët e veshur me uniformë, janë ata që gjenden brenda sistemit gjyqësor dhe të prokurorisë.
Prandaj thirrini mendjes, zbatoni ligjin, qëndroni larg ndikimeve politike, mos u bëni palë dhe ruani integritetin e detyrës.
Përmbushni detyrën pa asnjë vonesë dhe mos e detyroni Popullin t’ju arrestojë në flagrancë përmes ligjit, që Kuvendi i Shqipërisë ka miratuar.
Presidenti i Republikës është gjithmonë me Kushtetutën dhe Sovranin.
Presidenti i Republikës është gjithmonë gati për të marrë përgjegjësinë për çdo Dekret në mbrojtje të Zgjedhjeve, Demokracisë dhe Popullit nga dhuna e oligarkisë!
Nesër duhet të jetë Festa e Demokracisë. 🇦🇱
