Presidenti Ilir Meta u shpreh sot se i ka dërguar një letër kreu demokrat Lulzim Basha dhe kryetares së LSI-së, Monika Kryemadhi, që të koordinohen për mbrojtjen e votës.
Meta tha se në zgjedhjet e nesërme, Shqipëria duhet të shkëlqejë në sytë e ndërkombëtarëve, ndërsa e konsideroi si historik procesin për rrugën europiane të vendit.
“I kam dërguar një letër z. Basha dhe znj. Kryemadhi për të koordinuar veprimet për mbrojtjen e votës. I drejtohem me një apel komisionerëve dhe numëruesve që të zbatojnë ligjin dhe të numërojnë çdo votë.
I kam dërguar një letër me emra konkretë Drejtorit të Përgjithshëm të Policisë së Shtetit për ata që po kryejnë krime zgjedhore në Durrës, sikundër do t´i nis një letër për Vlorën”, tha Meta.
Në vijim Presidenti u bëri thirrje mbështetsve të opozitës të mos mbajnë asnjë lek të vjetër në xhep se do i kapin dhe do u thonë do vidhni vota.
