Tirana do të luajë nesër kundër Teutës në transfertë, ndeshje e vlefshme për javën e 29-të të Superiores.
Bardheblutë i kanë dhënë fund përgatitjeve për këtë sfidë të rëndësishme. Lojtarët kanë zbritur në fushën e kompleksit “Skënder Halili”, teksa grupi ka qenë i plotë.
Edhe Tim Varynen për të cilin ishte shkruar në media se nuk paraqitet në seancat stërvitore, ka marrë ngarkesën e plotë për të qenë gati për ndeshjen e nesërme.
Atmosfera në ekip është tejet pozitive. Kujtojmë që bardheblutë do të përballen nesër në orën 16:00 me Teutën, në stadiumin “Niko Dovana” në Durrës.
