Kryetari i Odës së Infiermierëve të Kosovës, Naser Rrustemaj, përmes një postimi në faqen e tij zyrtare ka njoftuar me pikëllim ndarjen nga jeta të kryeinfermieres së repartit E të Klinikës Infektive, Nerxhivane Konushevci.
“Të dashur Infermierë, Mami dhe Profesionistëve tjerë shëndetësorë!
Oda e Infermierëve, Mamive dhe Profesionistëve tjerë shëndetësorë është njoftuar me pikëllim të thellë se pas një sëmundje të rëndë ka ndërruar jetë kryeinfermierja e repartit E të Klinikës Infektive Nerxhivane Konushevci (1962).
Në emër të Odës së Infermierëve të Kosovës, familjes së të ndjerës dhe gjithë kolegëve, iu shprehim ngushëllimet më të thella me rastin e vdekjes së parakohshme të koleges Konushevci, e cila dha një kontribut të çmuar në shërbim të pacientëve”, – shkruan Rrustemaj.
Sipas njoftimit të kësaj ode, kryeinfermierja Nerxhivane Konushevci vdiq pas një sëmundje të rëndë në moshën 59 vjeçare.
