Lorik Cana u ka “ngrirë gjakun” ndjekësve dhe me siguri edhe bashkëshortes së tij mbrëmjen e djeshme. Si fillim ai ndau në Instagram disa fjalë shumë të ndjera për një ish-partnere të tij. Loriku shprehet se dje kishte parë ish-in pas 10 vitesh dhe se aty kishte kuptuar se e kishte marrë malli.
“Dua të ndaj diçka speciale me ju sot. Pashë ish-in tim pas më shumë se 10 vitesh. E di sa e vështirë është ta them, mbase edhe e gabuar, por shumë kujtime dhe pasion më kthyen pas në kohë. Ajo është akoma shumë tërheqëse dhe një bukuroshe e vërtetë. Madje ka akoma një tatuazh me emrin tim. Shpresoj të të shoh një ditë. Më mungon”, shkroi Loriku në postimin e tij.
Dhe më pas vendosi që ish të dashurën e tij ta prezantonte me gjithë publikun. Ndërkohë që të gjithë prisnin në tension për të parë kush është ajo, ai publikoi thjesht videon e makinës së tij të vjetër.
E gjithë kjo ishte një rreng nga Loriku dhe ne nuk e dimë si do e ketë pritur Monica.
