Zgjedhjet/ Soreca: Procesi i rëndësishëm për integrimin, Europa po vëzhgon!

Ambasadori i Bashkimit Evropian në Tiranë, Luigi Soreca, në një deklaratë për gazetarët pas takimit me kryekomisionerin Ilirjan Celibashi, theksoi se Evropa po vëzhgon se çfarë do të ndodhë në Tiranë dhe në Shqipëri më 25 Prill.

Soreca theksoi se po konsiderohet çelja e konferencës së parë ndërqeveritare për Shqipërinë, dhe këto zgjedhje do të kenë një rëndësi të madhe për integrimin.

“Çfarë ndodh në Shqipëri është e rëndësishme për Bashkimin Evropian, sepse Shqipëria është vend kandidat për anëtarësimin në BE”, u shpreh ai.

Ai u bëri apel qytetarëve të votojnë.

“Nga tani  apelojmë gjithë qytetarët shqiptarë të votojnë, të ushtrojnë të drejtën e tyre, sepse është e ardhmja e tyre. Këto zgjedhje janë tejet të rëndësishme dhe BE po ju ndjek  në të 60 bashkitë e Shqipërisë. Ajo cfarë ndodh në Tiranë dhe në Shqipëri, do jetë e rëndësishme për BE, Shqipëria është një vend kandidat. Është e rëndëishsme se çfarë do të ndodhë ditën e dielë në Shqipëri” theksoi Soreca, ndërsa rezervoi fjalën e fundit për partitë politike.

LEXO EDHE  “Luftë e ftohtë” Arben Kraja-Aida Hajnaj. Pas perdes së SPAK-ut nuk ka qetësi

“Fjala ime e fundit është për partitë politike, për të theksuar atë thirrje që kemi bërë gjithmonë për vëtëpërmbajtje dhe të shmangni gjuhën e urrejtjes gjuhën konlfiktuale. Ndaj dilni e votoni në veçanti të rinjtë”, – tha Soreca ndërsa lëshoi apelin në gjuhën shqipe: ‘Ti vendos’ .