Pas Vlorës, kreu demokrat, Lulzim Basha, u ndal në Fier në kuadër të tatimeve elektorale, ndërsa theksoi se më 25 prill do të marrim fitoren më të madhe për të gjithë shqiptarët.
Basha tha se fitorja është e pandalshme, pasi 25 prilli është bashkimi më i madh i të gjithë shqiptarëve.
“25 prilli nuk është e diela e partive apo kandidatëve, por e diela e të gjithë shqiptarëve”, tha Basha.
Kreu demokrat u shpreh se Fieri është qendra e harruar dhe e nëpërkëmbur, duke shtuar se ka parë dhimbjen që ju ka shkaktuar dështimi i Qeverisë Rama.
“Kam parë dhimbje dhe lot në këto 8 vitet e dështimit të Ramës, por më 25 prill ne me votën tonë, votën e bashkimit të të gjithë shqiptarëve, vjen ndryshimi i madh”, tha kreu demokrat.
Ai u shpreh se ky qytet nuk është i atij që në 8 vite nuk bëri asgjë, Fieri nuk i takon Edi Ramës, bandave dhe oligarkëve të tij.
“Me votën tuaj, shqiptarët do të marrin atë që iu takon. Votoni nr 9, votoni ndryshimin”, tha Basha.
