Shehi: Rama e ka kthyer PS në çerdhe banditësh

Dashamir Shehi akuzoi Kryeministrin Edi Rama se e ka kthyer PS-në në çerdhe banditësh. Shehi pohoi se Rama po blen vota, po nxit tensionimin e situatës, si një mënyrë që njerëzit të mos dalin në votime.

Kandidati i PD për deputet në Qarkun e Tiranës u shpreh se opozita nuk do vota të vjedhura

“Përgjegjës për rendin dhe sigurinë në këtë vend është policia e Ramës, në Kavajë kriminelët dhe Policët e Bashkisë Kavajë hynë tek zyra dhe tentuan të vrasin.

Ne jemi opozita po tentojmë të ruajmë votën. Sot në Maqellarë u kapën duke blerë vota, ku ishte Policia.

Çfarë ka në dorë opozita, ky thotë e ka fajin opozita. Policia e Elbasanit kujton se nuk i njeh ata që u vranë dje, i njeh shumë mirë. Opozita është për qetësimin e situatës. Për të prishur zgjedhjet ka interes Rama, se po humbet, ne po marrim pushtetin s’kemi pse e prishim situatën.

Tensionimi është strategji se duan që shqiptarët të mos votojnë pasi kur ka tensione nuk ka votime masive. Në PD ka vetëm një lider evropian si Basha, PS është një çerdhe banditësh. Rama futi 11 të kriminalizuar në parlament. Futi të inkriminuar në zgjedhjet për bashkitë”, tha Shehi.