Rilindasit kapen sërish me ‘presh’ në duar/ Simpatizantët e PD ndalojnë një makinë: Po shpërndan para në këmbim të votave

Një tjetër dyshim për blerje votash regjistrohet në vend, teksa na ndajnë vetëm 3 ditë nga zgjedhjet e 25 prillit.

Përfaqësues të Partisë Demokratike kanë bllokuar një mjet në Maqellarë, me pretendimin se personat që ndodheshin brenda tij po shpërndan para në këmbim të votave.

Rasti në fjalë është publikuar nga drejtuesi politik i PD-së për qarkun Dibër, Xhelal Mziu.

Nga pamjet e publikuara në rrjetin e tij social ‘Facebook’ shihet se përfaqësuesit e PD dhe disa banorë kanë bllokuar mjetin, ndërsa në vendin e ngjarjes është edhe policia.