“Pis burrë… Zagarë të Rilindjes.. Njësoj si baxhella që flet për virgjëri”/ Përplasja Lefter Koka – Ilir Meta

Akuza dhe kundër-akuza mes Presidentit Ilir Meta dhe Lefter Kokës, kandidatit të PS në Durrës për zgjedhjet e 25 Prillit.

Më herët gjatë ditës, kreu i shtetit akuzoi Lefter Kokën bashkë me të birin për blerje votash në Durrës dhe tha se ai duhet të ishte në burg për aferën me inceneratorët.

Ish-ministri i LSI reagoi përmes një postimi në FB, ku e quante Metën “pis burrë” dhe “një palaço që të vret natën dhe të qan ditën”.

“Kur flet ti për blerje votash dhe për Kushtetutë, është njësoj si të dëgjosh një baxhellë të flasë për virgjëri dhe një kriminel të flasë për ligjin”, shprehet Koka mes të tjerash.

I menjëhershëm ka qenë reagimi nga Presidenca. Zëdhënësi i kreut të shtetit, Tedi Blushi, ka postuar një video të Lefter Kokës, kur ky i fundit asokohe pjesë e LSI, akuzonte PS për blerje votash.

“Po i bëj thirrje sot në Durrës të mos luajnë se sdo ketë forcë dhe të rinjtë, të rejat, simpatizantët e LSI do munden të frenojnë me ccdo mënyrë këta zagarë të cilët kërkojnë të deformojnë zgjedhjet në Durrës. Këta që bëjnë këto veprime, nuk janë as durrësakë, as qytetarë të Durrësit, këto janë zagarë të Rilndjes”, shprehej Koka asokohe.

Në komentin që shoqëron video, Tedi Blushi shkruan:

“Për të gjithë ju zagarë të ‘Rilindjes’, dëgjojeni Terin, para se të jetë shumë vonë për ju”!