OSBE, ka reaguar në lidhje me ngjarjen e djeshme në Elbasan, ku mbeti i vrarë, Pjerin Xhuvani dhe u plagosën të tjerë.
Në një postim në rrjetet sociale, OSBE, shkruan se zgjedhjet e 25 prillit janë një mundësi demokratike e jashtëzakonshme, dhe nuk mund të njollosen me gjak.
“Prezenca e OSBE-së në Shqipëri vërejti me shqetësim incidentin e dhunshëm, që çoi në humbjen e jetës në Elbasan. Mendimet tona janë, së pari, për familjen e viktimës. Ne besojmë, fuqimisht, që fushata zgjedhore dhe përgatitjet e zgjedhjeve janë një mundësi demokratike e jashtëzakonshme, e cila nuk mund të njolloset me gjak dhe dhunë”.
Po ashtu OSBE , thotë se është në pritje që policia ta hetoj dhe ta ndjek penalisht ngjarjen e rëndë që trazoi Elbasanin.
“Presim që policia dhe institucionet gjyqësore të Shqipërisë ta hetojnë plotësisht dhe ta ndjekin penalisht këtë krim të shëmtuar”.
