Luan Haka, kandidat për deputet i Partisë Demokratike në qarkun e Dibrës, ka denoncuar me video se në Maqellarë po shpërndahen para në këmbim të votës nga PS.
Në një video “live” të publikuar në rrjetet sociale, ai shprehet se ka ndaluar një makinë, teksa pretendon se personat brenda saj japin para në këmbim të votës.
Haka shprehet se policia nuk i lejon që të kontrollojnë brenda saj.
“Kjo makinë, ky personi brenda po shpërndan lek. Imagjinoni ky është shteti, kjo është qeveria. Tani po presim policinë, kur polici është këtu dhe nuk japin asnjë informacion që të vazhdojmë dhe të hapim makinën. Nuk do lëvizë kjo makinë nga vendi pa u kontrolluar,” dëgjohet të thotë ai në video.
