Vllaznia fitoi 0-6 me Apoloninë, duke regjistruar kështu rezultatin më të thellë në Superligën e këtij sezoni.
Shkodranët nuk u përmbajtën, duke kthyer në shënjestër portën e mbrojtur nga Harizaj. Gjashtë golat dhe forma e mirë në lojë kanë bërë që në skuadrën kuqeblu të rikthehet entuziasmi, me Vllazninë që kërkon titullin kampion.
Për trajnerin Brdaric gjërat janë të qarta, teksa shqetësojnë dy titullarë. Eni Imami dhe Fjoart Jonuzi nuk janë në formë të mirë, duke vuajtur dëmtime.
Mbrojtësi ka disa javë që nuk është gati për t’u hedhur në fushë, ndërsa mesfushori është në terapi. Ende gjendja e tyre nuk është përmirësuar dhe nuk dihet nëse do jenë në fushë gjatë fundjavës në përballjen me Skënderbeun në shtëpi.
