Elisabeta Gjopalaj, 34 vjeçarja, e aksidentuar një ditë më parë në superstradën Lezhë-Milot, ka humbur jetën si pasojë e plagëve të marra.
Ajo ka ndërruar jetë pas 24 orësh në gjendje kome në spitalin e Traumës në Tiranë, nuk ka mundur t’i mbijetojë plagëve.
34 vjeçarja Gjopalaj ka qenë punonjëse e protokollit në Bashkinë Lezhë. Si pasojë e aksidentit të rëndë, ajo kishte marrë shumë dëmtime, ndërsa ne makine me të ka qenë edhe një pasagjere.
Ngjarja ka ndodhur një ditë më parë në aksin rrugor Lezhë-Mamurras, në afërsi të rrugës së Shengjinit mjeti tip “Range Rover” me drejtues shtetasin K.S.,është përplasur me mjetin me drejtuese shtetasen E.Gj.,dhe pasagjere D.Gj.,ku si pasojë e përplasjes kanë marrë dëmtime dhe janë dërguar në spitalin Rajonal Lezhë dhe ndodhen nën kujdesin e mjekëve.
Ndërkohë në lidhje me këtë ngjarje është shoqëruar në polici shtetasi K.S.
